‘साइबर प्रतिरक्षा प्रणाली विकास अपरिहार्य’ : प्रधानसेनापति शर्मा

नेपाली सेनाका अनुसार डिजिटल सम्पत्तिहरुको सुरक्षा मात्र नभई राष्ट्रको सार्वभौमसत्ताको रक्षा, महत्वपूर्ण प्राविधिक पूर्वाधारहरुको सुरक्षा तथा नागरिकहरुको सरकारप्रतिको विश्वास समेत कायम गर्नका लागि बलियो साइबर प्रतिरक्षा प्रणालीको विकास अपरिहार्य भएको बताएका हुन् ।

साइबर हमलाको जोखिम बढ्दै गएको अवस्थामा साइबर हमला तथा यसका जोखिमहरुलाई न्यूनीकरण, निष्तेज र निर्मूल गर्दै संवेदनशील इन्फरमेसन एन्ड कम्युनिकेसन्स टेक्नोलोजी पूर्वाधारहरुको रक्षा गर्न सम्बन्धित सबै सरोकारवाला निकायहरुको समन्वय र सहकार्यको आवश्यकता माथि शर्माले जोड दिए ।

दुई चरणमा संचालित गोष्ठीमा विभिन्न मन्त्रालय, नेपाली सेना, अन्य सुरक्षा निकाय र सरकारी तथा गैर सरकारी निकायका प्रतिनिधिहरुको सहभागिता रहेको थियो ।