फेवातालमा डुंगा पल्टियो, ५ जनाको सकुशल उद्धार
कास्की — अचानक आएको हावाहुरीका कारण फेवातालमा डुंगा पल्टिएको छ । उक्त डुंगाबाट बालिकासहित पाँच जनाको सकुशल उद्धार गरिएको सशस्त्र प्रहरी बल, कालिका गण कास्कीले जनाएको छ ।
प्रहरी प्रमुख एसपी अरूण पौडेलका अनुसार डुंगामा रहेका काठमाठौं महानगरपालिका २९ का ३० वर्षीय बिक्रम मिकारानी, २६ वर्षीया आशिफा भानु, ५४ वर्षीया अनैजा दिल शाह, ८ वर्षीया रजिना खातुन र १८ महिनाकी बालिका मिरा रानीको उद्धार गरिएको हो ।
मंगलबार दिउँसो ४ बजेतिर अचानक आएको हावाहुरीका कारण डुंगा पल्टिएको हो । त्यसक्रममा फेवातालको मत्स्यपालन केन्द्रको जालमा अड्किएको अवस्थामा उनीहरुलाई उद्धार गरिएको एसपी पौडेलले बताए ।
प्रकाशित : वैशाख ११, २०८१ २०:२५प्रतिक्रिया