रञ्जिता श्रेष्ठ पक्षधर सांसद थापा मन्त्री नियुक्त  

मुख्यमन्त्री नियुक्तिमा सोडारीलाई साथ दिएकी सांसद थापासहित सोडारी मन्त्रिपरिषद्मा दुई जना मन्त्री भएका छन् । यसअघि नागरिक उन्मुक्तिकै कैलाश चौधरीलाई भौतिक पूर्वाधार विकास मन्त्री नियुक्त गरिएको थियो । चौधरी र थापाकै कारण कांग्रेस नेतृत्वको सरकारका मुख्यमन्त्री कमलबहादुर शाह अल्पमतमा परेर राजीनामा दिन बाध्य भएका थिए भने उनीहरु दुई जनाकै कारण सोडारीलाई मुख्यमन्त्री नियुक्त हुन सम्भव भएको थियो ।

सत्ता साझेदार दल एमाले र माओवादी केन्द्रले भने अहिलेसम्म मन्त्री पठाएको छैन । मुख्यमन्त्री सोडारीले सत्ता साझेदार दलहरुसँग विश्वासको मत लिने सन्दर्भमा छलफल गरिरहेको बताएका छन् ।