सुस्तामा ट्याक्टर दुर्घटना : एक जनाको मृत्यु 

सुस्ता गाउँपालिका -३ बिगेटस्थित भित्री सडकखण्डमा कुडियाबाट रतनगन्जतर्फ जाँदै गरेको लु ३ त २८४ नम्बरको ट्याक्टर अनियन्त्रित भएर पल्टँदा सो दुर्घटना भएको हो ।

जिल्ला प्रहरी कार्यालयका डीएसपी रेशम बोहराका अनुसार दुर्घटनामा सुस्ता गाउँपालिका ५ का १३ वर्षका रोहित कंकरको मृत्यु भएको हो । टाउकोमा चोट लागेर गम्भीर घाइते भएका कंकरको उपचारका क्रममा जिल्ला अस्पताल परासीमा मृत्यु भएको हो ।

दुर्घटनामा सुस्ता गाउँपालिका -४ नर्सहीका बस्ने २१ वर्षका सुकई मल्लाह घाइते भएका छन् । घाइतेको भैरहवा मेडिकल कलेजमा उपचार भइरहेको छ ।