मिलनले दिए सुहाङलाई बधाई 

आज बिहान इलामको ग्रीन भ्यु होटलमा पुगेर लिम्बुले नेम्बाङलाई शुभकामना दिएका हुन् ।

लिम्बुले निर्वाचनका बेला प्रतिस्पर्धामा रहेपनि इलामे जनताले नेम्बाङलाई दिएको मतको कदर गर्ने बताए ।

‘बधाई मित्र, हामी एउटा प्रतिस्पर्धी थियौं, हाम्रो प्रतिस्पर्धा व्यक्ति व्यक्तिबीचको नभएर इलाम र इलामेली जनताको पक्षमा काम गर्ने सन्दर्भमा थियो,तपाँइको जित तपाईं अर्थात एकजनाको मात्रै नभएर समग्र इलाम र इलामे जनताको जितमा रुपान्तरण हुने अपेक्षासहित हार्दिक बधाई तथा शुभकामना ।’ उनले भेटपछि सामाजिक सञ्जालमा समेत भनेका छन् ।

प्रतिनिधिसभा सदस्यका लागि वैशाख १५ गते भएको उपनिर्वाचनमा रास्वपाका तर्फबाट उम्मेदवार बनेका लिम्बुले ५०५० मत ल्याएका थिए । कुल सदर मतको १० प्रतिशत नपुगेकाले उनको धरौटी जफत हुने भएको छ ।